البيت الكوري

اهلا وسهلا بزوارنا الكرام ارجو لكم قضاء اجمل الاوقات في منتدانا

    مذكرات نمله عراقيه اقراهه واكيد راح تبجي

    شاطر
    avatar
    ايتو العراق
    نائب مدير
    نائب مدير


    عدد المساهمات : 120
    تاريخ التسجيل : 22/03/2011
    العمر : 26

    مذكرات نمله عراقيه اقراهه واكيد راح تبجي

    مُساهمة من طرف ايتو العراق في الأربعاء أبريل 06, 2011 4:26 am

    مساء الخير
    انشالله تكونوا بخير بكل وقت




    هذي مذكرات نملة (لكيتها بالمجاري) هههه

    اليوم شفت قطعة شكر بس القطعة كلش جبيرة كلت اروح ال ابن عمي اجيب كونية و اجي و جانت واكعة بالزولية اب منطقة القنفات الحمر زقاق الطبلة ام النفاضة و حاولت أحوسمها ما كدرت ف عفتها و من المدير مالي سمع بالقصة خصملي راتب اسبوع و كلي رجعي اخذيها رجعت لكيت نمل فارسي جبير هناك ......هلووو!!! زوج ال يبقي درت و جي و رأسا رجعت




    انعزمت بالخطوبة مال بت عمي اب بلوعة المطبخ خوش كعدة والله و شكر و تمن و كشمش و القوزي جان صرصر بس مو هلكد طيب و جانو جايبين بكاية ركصت ركص بحيث عيني طلعت من راسي و و اني هم ذبيت (لحم!!!!) مو طبيعي بحيث عركت اخر شي و ماصارت حوادث بس اكو ابنية فتحت مي البوري و ردنا ننشفط بس الحمدالله عبرت ,,,هااا شغلة لخ أبن عمي طوخ بالشرب و كام يمسلت بحيث كام يتحارش اب صرصر و ايذبله حجي ماصخ بعدين عاد احنا احجينا وية الصرصر كلنالة دخيلك عوفة ترة سكران عاد ذاك (والله طلع شريف) اتفهم الموقف و عافة



    ما كدرت اروح للدائرة (هااا نسيت اكلكم هية اتداوم موظفة اب شركة بلوعتكم .دوت.نيت مال تصريف اموال و راتبها ورقة ام ال 50 ما تصرفها و انما تتمشى عليها العصريات و ية الكبل) لأنه البوري ما نكّط ف ما كدرت ارتب شعري و ظليت بالبلوعة كاعدة و سويت الغدة (مركة تمناية(



    ما صار شي مهم ( ايباااه مو كونداليزا رايز انتي)!!!



    سمعنا اب بلوعة الجوارين عياط و صياح و عالم دا تتراكض و المختار مال مجاري اجى كلنا لازم اكو شي و فعلا اتوقعنا لان ابو البيت مشتري شحاطة جديدة و بيّن مفعولها خطية مردانة الجوارين بعدها شابة 17 سنة جانت دا تمشي العصر البارحة دا تتسوك من المغسلة و انعلست بالشحاطة وديناها للطب العدلي و دفناها بالحديقة الورة (بصف قنينة غاز حتى نندل وين دافنيها)



    اليوم جان اكو منع تجول بالحمام بس النمل الوطني منتشرين برة لأن اصحاب البيت كلهم طبو يسبحون و بصراحة خفنا كلنا ننطلع خاف ننسحك اب حذاء أو نعال ابو الاصبع (خطية ابن خالة بابا راح اب هيج حادث هيء هيء ) و ظلينا بالبلاليع نتفرج عال دش (برنامج خليك بالبلوعة و البرنامج الخيال العلمي اصطياد الانسان \اموووت عليه\ ) و ما سمعنا حوادث بس مرة وحدة جريدي على اساس طب للحمام تالي طلعت اشاعة لأن جدو ايكول لو طاب جان سمعنا حس عياط بنت ابو البيت



    حسيت نفسي لاعبة و زوعت عدسايتين رحت للطبيبة كلتلي مبروك,,,, راح اتبيضين اني هم رجعت فرحانة و شغلت اغاني و بديت ريجيم بحيث كلمن يشوفني يكللي اشو ضعفاانة حيييل؟؟(عود أشكد راح ايبين عساس) !!!



    اليوم صارو 3 بيضات عندي بس كلش صغار يمكن راح اخليهن بصف المكناسة ,,بعد ما اعرف



    اليوم ردت اروح فطيسة بس انكتبلي عمر جديد ,,,جنت دا اتمشى يم البانيو طلع ابو البيت اثاري ديغسل,, اتفاجأت جررررب اشو على غفلة لكيت نفسي كدام مغارة ظلمة حييل و اكو حبال طالعة من المغاررة بصراحة الفضول غبلني و كلت افوت فتت اشو ضربني هوة حارر ,,اتعجبت,,, المهم فتت شوية جان اسمع صوت انفجار طرشها ال أذني آآآآتتتتتتتشششششوووووو طلعت اني الثولة فايتة اب خشم ابو البيت بلا ما ادري و اتصور جانت الفتحة اليمنة لان اليسرة لكيت عليها قطعة مكتوب عليها (أعمال تبليط و حفريات) الظاهر منشول و بس تك يشتغل عندة بس هوة هم ما قصر خمطني اب عطسة شمرني ورة الفريزر(44 مترة عن البلوعة ) بحيث 3 ايام يللا رجعت ال بيتنا و اول ما وصلت حطيت رجلي ام مي حار (نقطة عرك مال واحد محتر) لكيتها بالعاك كلت شوية انكع رجلي لأن صارلي 3 ايام امشي



    اليوم الذكرى ال 12 لضحايا دبة النفط اكيد تتذكروها (هاي ترة النملة دا تحجي مو اني,,اني شعلية؟؟؟؟) وكفنا كلنا دقيقة حزنانين و اني كمت ابجي لأن اتذكرت لمن ام البيت جبت النفط على اخوتي الصغار و كتلت من عدنا 47 نفر بس همزين اني لحكت و اشنرين كمامة ضد الكيمياوي و جدو (هم النملة مو اني) دائما ايكول النملة لازم اتخاف من شغلتين منتجات باتا مال الجلود و الدبة أم ال 5 لترات لأن معناها كارثة و جثث



    اليوم انفجعنا اب وفاة نملة من هاي الكبار مو مثلنا الصغار يعني(أحنا نمل بنابين خخخ) خطية على كد حالة عندة محل اصغير (اسواق ) يبيع بي قطع شكر و تمن و عدس و الصبح جان ديتمشة جوة المغسلة دا ايدور على اخوه عباله لازك بالصابونة خطية و جرررب جان ينشفط شفطة كشرة حتى الجثة مالته ما لكيناها و مرتة خطية
    تبجي و تلطم هاهية شنسوي و اني هم انقهرت مو علمودة (طبة 60 مرض) بس منين راح اشتري تمن و شكرر؟؟ جمالة الزوالي شالوها يعني لازم اتعنّة للمطبخ ,,,صدك حيرة



    اليوم عطلة رحنا للمسبح (كوب بي مي) و سبحنا وراها وكفنا سرة على قطعة مال دهن جانت واكعة و اخذنا همزين اخذت الوصلة و قليت بيها بيضة ( مدا اكدر اتخيل حجم البيضة اللي دا اقليها لهذا مراح اكدر أحشش بعد(



    دا افكر اترك البلوعة و اروح ال بيت اختي بالريف لأن عدهم بيت ترابي بالحديقة الكدام بصراحة جو المدن خنكني و اريد اروح شوية اشتم هوة نقي بس المشكلة شراح ايوصلني؟؟؟ ينرادلي 3 اتشهر يللا اوصل للحديقة ,,,بس حليت المشكلة جلبت بالبوتين ابو الضوة مال ابنهم الصغير و طلعت ويا و وصلت و حذائة فيكة من يمشي ايطلع ضوة دا افكر,,,يصير اسحب من الضوة واير؟؟؟عال اقل ايشغللي بنكة و غسالة!!!


    اليوم شفت صورة للمحيط الهاديء (البانيو ) حييييل شكد مي؟؟؟ هاي الصورة هيج خوفتني لعد اذا من صدك شلووون؟؟مااامماااااا



    مممم ماكو شي مهم ام البيت كصت شعرها و اكو شعر انذب يمنا بالكاع ,,,,,,,سمينا هاية المنطقة (غابة الاماني)



    دا افكر اروح البيت خالي بالمطبخ لأن خالي عايش بصف ناطحة سحاب (قنينة مال غاز) فد شي كللش كلللشش عالي و كللي اكو مكان يم المنظم ولو غالي بس راح ياخذة احتمال اروحلة اغير جو



    صار عندي تيفو من ورة لحم بكاية مال سوك ف قررت بعد ما جيب معلبات للبيت (للبلوعة)!!!



    التيفو راح و هسة اني زينة و يمكن راح اتعشة عشة خفيف (هوة)



    اليوم ماكو شي بس ابن عمي أجر البلوعة ال شركة و العقد مال ايجار وقعو يم مردانة اخذت عمولة أيجار مال شهر و كمع مال صمون حجري


    ملاحظة :-


    - صاحبة هذه المذكرات المكرودة توفيت بعد اسبوع من نشر مذكراتها بسبب طوبة جبن وكعت عليها و سوتها هريسة
    أنشرو هذه المذكرات أحياءا لذكراها .....
    avatar
    محبة SHINee
    عضو برونزي
    عضو برونزي



    عدد المساهمات : 219
    تاريخ التسجيل : 19/01/2011
    العمر : 18
    الموقع : K.S.A

    رد: مذكرات نمله عراقيه اقراهه واكيد راح تبجي

    مُساهمة من طرف محبة SHINee في الجمعة يناير 20, 2012 7:06 am


    السلآم عليككم ..

    أخبارك إيتوو ..,!

    بصصـرـاًحه هذي النمله خخطيرهـ مذكرتها

    عجبتني :أنشرو هذه المذكرات أحياءا لذكراها
    ههههههههههههههههههههههههههههههههههههههه
    لكك ودّدّي ..,
    PIC


    _________________

    avatar
    Jiy Eon
    عضو مميز


    عدد المساهمات : 126
    تاريخ التسجيل : 22/02/2012
    العمر : 26

    رد: مذكرات نمله عراقيه اقراهه واكيد راح تبجي

    مُساهمة من طرف Jiy Eon في الأحد فبراير 26, 2012 8:37 pm

    يسلمووووووووووووووووو على نشر مذكرات النمله

    هههههههههههه هههههههههههههههههه
    avatar
    butterfly iraq
    عضو فضي
    عضو فضي


    عدد المساهمات : 263
    تاريخ التسجيل : 08/07/2011
    العمر : 26

    رد: مذكرات نمله عراقيه اقراهه واكيد راح تبجي

    مُساهمة من طرف butterfly iraq في الثلاثاء أغسطس 07, 2012 6:46 am

    هههههههههههه يسلموووو


    _________________











      الوقت/التاريخ الآن هو الإثنين ديسمبر 11, 2017 11:15 pm